Kamerë dixhitale me objektiv të ndërrueshëm ILCE-7/ILCE-7R

Karta e memories

Karta e memories

Treguesit e llojeve të kartave në udhëzuesin e ndihmës

Njësi "Memory Stick PRO Duo"
(njësi "Memory Stick XC-HG Duo"/"Memory Stick PRO Duo"/"Memory Stick PRO-HG Duo")

Kartë SD
(kartë memorieje SD/SDHC/SDXC)

  • Njësitë "Memory Stick PRO Duo", "Memory Stick XC-HG Duo" dhe kartat SD deri në 64 GB janë testuar dhe konfirmuar që punojnë me këtë produkt.
  • Për filmime, rekomandohen kartat e mëposhtme të memories:
    • (Mark2) (njësi "Memory Stick PRO Duo" (Mark2))
    • (njësi "Memory Stick XC-HG Duo" (Mark2))
    • (njësi "Memory Stick PRO-HG Duo")
    • Kartë e kategorisë 4 SD ose më e shpejtë

Shënim

  • Kur përdorni për herë të parë kartë memorieje me produktin, rekomandohet ta formatoni kartën nga produkti për performancë të qëndrueshme të kartës përpara shkrepjes.
    Vini re se formatimi fshin përgjithmonë të gjitha të dhënat në kartën e memories dhe nuk mund të rikuperohen. Ruaji të dhënat me vlerë në kompjuter etj.
  • Nëse shkrepni dhe fshini foto për kohë të gjatë, mund të ndodhë fragmentim i të dhënave në kartën e memories dhe filmimi mund të ndërpritet në mes procesit të filmimit Nëse ndodh diçka e tillë, ruajini fotot në kompjuter ose në vend tjetër ruajtjeje, pastaj kryeni [Format].
  • Kartat e memories të formatuara në kompjuter nuk garantohen se do të funksionojnë në produkt.
  • Shpejtësitë e leximit/regjistrimit ndryshojnë në varësi të kartës së memories dhe të pajisjes së përdorur.
  • Rekomandojmë rezervimin e të dhënave të rëndësishme, si p.sh. në njësinë e diskut të kompjuterit.
  • Mos ngjisni etiketa mbi kartën e memories as mbi përshtatësit e kartave të memories.
  • Mos i prekni kontaktet e kartës së memories me dorë apo me objekte metalike.
  • Mos e godisni, përthyeni apo hidhni kartën e memories.
  • Mos e zbërtheni apo modifikoni kartën e memories.
  • Mos e ekspozoni kartën e memories ndaj ujit.
  • Mos e lini kartën e memories pranë fëmijëve të vegjël. Mund ta gëlltisin aksidentalisht.
  • Karta e memories mund të nxehet kur sapo është përdorur për një interval të gjatë. Bëni kujdes gjatë përdorimit të saj.
  • Mos futni karta memorieje që nuk i nxë foleja përkatëse e kartës. Përndryshe mund të shkaktoni defekt.
  • Mos e përdorni as mos e ruani kartën e memories në kushtet e mëposhtme:
    • Vende me temperaturë të lartë, si p.sh. automjete të parkuara nën diell
    • Vende me ekspozim ndaj dritës së drejtpërdrejtë të diellit
    • Vende me lagështirë apo ku ka të pranishme substanca gërryese
  • Fotot e regjistruara në një njësi "Memory Stick XC-HG Duo" dhe kartë memorieje SDXC nuk mund të importohen apo të luhen në kompjuterë apo pajisje AV që nuk mbështesin format exFAT, kur lidhen me kabllo micro USB. Sigurohuni që pajisja mbështet exFAT përpara se ta lidhni me produktin. Nëse e lidhni produktin me pajisje të pambështetur, mund t'ju kërkohet ta formatoni kartën. Mos e formatoni kurrë kartën pas kësaj kërkese, pasi do të fshini të gjitha të dhënat në kartë. (exFAT është sistemi i skedarëve që përdoret në njësitë "Memory Stick XC-HG Duo" dhe karta memorieje SDXC).

Njësitë "Memory Stick"

Të gjitha llojet e njësive "Memory Stick" që mund të përdoren me produktin janë si më poshtë. Por, puna konkrete nuk mund të garantohet për të gjitha funksionet e njësive "Memory Stick".

  • Njësi "Memory Stick PRO Duo": *1*2*3
  • Njësi "Memory Stick PRO-HG Duo": *1*2
  • Njësi "Memory Stick XC-HG Duo": *1*2

*1Kjo "Memory Stick" vjen me funksion MagicGate. MagicGate është teknologji mbrojtëse që shfrytëzon teknologji enkriptimi. Regjistrimi/luajtja e të dhënave që kërkojnë funksione MagicGate nuk mund të kryhet nga ky produkt.

*2Mbështetet transferim të dhënash në shpejtësi të lartë, nëpërmjet ndërfaqeje paralele.

*3Për filmime mund të përdoren vetëm njësi të shënuara me Mark2.

Shënime mbi përdorimin e njësive "Memory Stick Micro" (shiten veçmas)

  • Ky produkt pajtohet me njësi "Memory Stick Micro" ("M2"). "M2" është shkurtim për njësi "Memory Stick Micro".
  • Për të përdorur njësi "Memory Stick Micro" me këtë produkt, sigurohuni të futni njësinë "Memory Stick Micro" në përshtatës "M2" me madhësi për Duo. Nëse futni njësi "Memory Stick Micro" në produkt, pa përshtatës "M2" me madhësi për Duo, mund të mos keni mundësi ta hiqni nga produkti.
  • Mos e lini njësinë "Memory Stick Micro" pranë fëmijëve të vegjël. Mund ta gëlltisin aksidentalisht.
Kalo në krye të faqes