Shutter Priority
Mund të shprehni lëvizjen e një subjekti në lëvizje, në mënyra të ndryshme duke rregulluar shpejtësinë e diafragmës, për shembull, në çastin e lëvizjes me diafragmë të shpejtësisë së lartë, ose si foto gjurmëlënëse me shpejtësi të ulët të diafragmës.
- Caktoni graduesin e modaliteteve në S (Shutter Priority).
- Zgjidhni vlerën e dëshiruar duke rrotulluar graduesin e komandimit.
- Rregulloni fokusimin dhe shkrepni subjektin.
Apertura rregullohet automatikisht për të përftuar ekspozimin e duhur.
Shënim
- Nëse nuk përftohet ekspozimi i duhur pas konfigurimit, vlera e aperturës në ekranin e shkrepjes fillon të dridhet. Ndonëse mund të vijoni me shkrepjen dhe në atë rast, rekomandohet të bëni rivendosje.
- Përdorni një trekëmbësh për të evituar turbullimin kur përdorni shpejtësi të ulët diafragme.
- Treguesi
/
(paralajmërim i SteadyShot) nuk shfaqet në modalitetin e përparësisë për shpejtësi të diafragmës. - Kur shpejtësia e diafragmës është 1/3 sekonda a më tepër, dobësimi i zhurmës do të kryhet pas shkrepjes për të njëjtën sasi kohe që diafragma qëndroi hapur. Por, nuk mund të shkrepni më gjatë kryerjes së dobësimit të zhurmës.
- Ndriçimi i fotos në ekran mund të ndryshojë nga fotoja aktuale që shkrepet.
Këshillë
- Kur përdoret shpejtësi më e lartë diafragme, subjektet në lëvizje, si p.sh. një person që vrapon, automjete apo stërkalat e detit ngjajnë sikur janë të palëvizshme. Kur përdoret shpejtësi më e ulët diafragme, shkrepet dhe një gjurmë e lëvizjes së subjektit për të dhënë një foto më të natyrshme dhe më dinamike.